Кевин де Брујне точно 10 години е во Манчестер сити, но неговата приказна тука ќе заврши на крајот од сезоната. Белгискиот репрезентативец потврди дека ќе си замине од Сити, но уште не знае кој ќе биде неговиот следен клуб.
За 10 години во дресот на Граѓаните, Де Бројне одигра 415 натпревари, а постигна 107 голови. Тој беше едел од клучните играчи во создавањето на доминацијата на Сити, клуб со кој освои шест титули во Премиер лигата, два во ФА Купот, пет во Лига Купот, две во Комјунити Шилд и една во Лига на шампиони.
Еден од најдобрите играчи за врска во светот во изминативе неколку години, вели дека не го знае името на неговиот следен клуб, но знае што бара и што треба да понуди клубот за да го добие неговиот потпис.
„Отворен сум за секој клуб кој сака да понуди добар проект. Сакам да бидам во клуб кој ќе има добар план. Мислам дека уште можам да играм на врвно ниво и затоа ако се појави проект кој ќе биде прифатлив за мене и за моето семејство, лесно ќе донесам одлука. Дали би заиграл за друг клуб во Премиер лигата? Искрено да кажам, не знам. Премногу долго размислував пред да одлучам да си заминам од Манчестер сити“, рече Де Бројне, кој во кариерата освен во Сити има играно и во Волфсбург, Вердер, Челзи и Генк.
