Свет

(Видео) Патник се обиде да ја отвори вратата од авионот при лет над Индискиот Океан

Avatar
Објавено на

Авион со повеќе од 200 патници, кој летал од Бали, Индонезија, до Мелбурн, Австралија, бил принуден да се врати назад откако патничка се обидела насилно да ја отвори вратата додека авионот бил над Индискиот Океан, соопшти нискобуџетната авиокомпанија Џетстар.

„Нашиот авион се врати во Денпасар (аеродром во Бали) минатата ноќ откако патник предизвика вознемиреност со обидот да ја отвори вратата на авионот, навредувајќи го и попречувајќи го нашиот персонал“, се вели во соопштението на компанијата за инцидентот, кој се случи во понеделникот вечерта, на 31 март. Патникот беше превземен од локалните власти на Бали по слетувањето, додаде Џетстар.

Според видеото кое се појави на социјалните мрежи, жена која седела во задниот дел на авионот успеала да ја подигне рачката на вратата, но потоа бил активиран безбедносен сигнал кој ја алармирал екипажот, по што капетанот дошол на системот за јавно обраќање и ги предупредил патниците. Податоците од порталот за следење летови Flightradar24 покажуваат дека авионот се свртел еден час по полетувањето, додека се уште бил над Индискиот Океан.

Џетстар не го прецизираше точниот број на патници и членови на екипажот на летот од Бали до Мелбурн. „Безбедноста и благосостојбата на нашите патници и членови на екипажот е секогаш наш главен приоритет. Им благодариме на сите за нивниот смирен и брз одговор“, велат од компанијата. „Во никој случај нема да го толерираме ова неприфатливо однесување на нашите летови.

Поврзани вести преку ознаки:,

Прочитајте и:

На почеток