• Горан Упале
Денес се одиграа четвртфиналните натпревари од Купот на Турција, а еден од двата главни фаворити за трофејот нема да го гледаме во полуфиналната фаза. Фенербахче на Жозе Мурињо беше домаќин на Галатасарај, а дуелот меѓу најдобрите екипи во Турција во овој момент донесе победа на гостите, кои славеа со 1-2.
Херој на Галатасарај беше нигерискиот напаѓач Виктор Осимен, кој постигна гол во десеттата минута за 0-1, а потоа беше прецизен од пенал во 27. минута. На крајот од првото полувреме Шимански намали на 1-2, а Фенер, иако имаше иницијатива во второто полувреме, не успеа да избегне болен пораз пред својата публика.
Ниту оваа средба не помина без високи тензии, но и без неколку сомнителни судиски одлуки. Погодокот на Фенербахче е контроверзен, бидејќи се чини дека е постигнат од офсајд. Сепак, Фенербахче и Мурињо ќе имаат многу поплаки за ситуацијата во 16. минута кога играч на Галатасарај играше со рака, но главниот судија не досуди пенал.
Fenerbahçe vs Galatasaray was paused due to big tensions between the substitutes bench. (@cenkcnr) pic.twitter.com/ZRpysCteyz
— EuroFoot (@eurofootcom) April 2, 2025
На крајот дојде до немил инцидент покрај теренот, a во главната улога беше Жозе Мурињо, кој неспортски го нападна за нос предводникот на Галатасарај, Бурук, кој на крај се најде на тревникот.
Jose Mourinho attacked Galatasaray manger Okan Buruk after losing to him tonight
— Janty (@CFC_Janty) April 2, 2025
На крај судијата покажа три црвени картони, а Мурињо сигурно го чека подолга пауза за овој срамен потег.
