Драматично видео од аеродромот во Денвер!
Лет на „Американ ерлајнс“ принудно слета во Денвер откако се запали еден од неговите млазни мотори, принудувајќи ги патниците да го евакуираат авионот користејќи тобогани за итни случаи, соопшти Федералната управа за авијација (ФАА).
Авиокомпанијата потврди дека сите 172 патници и шестмина членови на екипажот безбедно го напуштиле авионот, додека шест патници се пренесени во болница на дополнителни прегледи.
Летот 1006, кој летал од Колорадо Спрингс до Далас, бил Боинг 737-800. Екипажот пријавил силни вибрации на моторот, по што била донесена одлука да слета во Денвер, соопшти ФАА.
BREAKING: American Airlines plane catches fire at Denver airport pic.twitter.com/DwQvCCRrNz
— BNO News (@BNONews) March 14, 2025
На социјалните мрежи се појавија драматични снимки на кои се гледаат патници како стојат на крилото на авионот додека од моторот излегува густ чад.
Американ ерлајнс соопшти дека авионот слетал безбедно, но потоа доживеал дефект на моторот. Според веб-страницата FlightRadar24, 13-годишниот авион имал два мотори CFM56, произведени во соработка помеѓу GE и Safran.
ФАА најави истрага, додека портпаролот на меѓународниот аеродром во Денвер потврди дека пожарот брзо бил изгаснат и летовите не биле прекинати.
American Airlines flight 4012 just caught fire at Denver airport pic.twitter.com/EHIGMAqJjJ
— Stone (@flynnstone) March 14, 2025
Боинг одби да го коментира инцидентот и ги префрли сите прашања до Американ ерлајнс и истражителите. GE допрва треба да даде официјален коментар.
American Airlines flight 4012 caught fire after an engine failed…. Plane was diverted to Denver.
— Alexandria Cullen (@AlexandriaCTV) March 14, 2025
My mom was on this flight. THANK YOU GOD that they are alive. pic.twitter.com/4wBsFlj4TU
© Vecer.mk, правата за текстот се на редакцијата
