Директорката на ДИЖС потврди: Инспектори не земале мостри од Крива Река по хаваријата

Добивај вести на Viber

Директорката на Државниот инспекторат за животна средина, Ивана Гиновска на денешната прес конференција, рече дека градоначалникот на Крива Паланка, Сашко Митовски, ширел паника и дека не објавил прецизно толкувани резултати од неговата анализа откако технолошка вода се излеа во Крива Река од пукната цевка во рудникот Тораница. Сепак потврди дека инспекторите не реагирале навремено и дека поради тоа, таа самата морала да презема иницијативи.

Митовски претходно рече дека ќе бара кривична одговорност и откри дека во водата има десет пати поголема концентрација на олово и стотици пати повеќе цијанид, азот и фосфор по инцидентот на 14 март.

- „Екоцид“ не се докажува со земање еден литар вода од едно место. Цијанид над дозволеното нема, а за ширење на паника се одговара кривично, порача Гиновска. 

Таа рече дека че ги достави сите анализи што ќе ги добие инспекторатот до кумановското јавно обвинителство кое веќе отвори случај,откако пукна цевка на рудникот за олово и цинк во сопственост на концесионерот „Булмак“.

- Работам на екипирање на инспекторатот, со зголемување на бројот на инспектори и тренинзи за моменти кога ќе дојде до вакви сериозни ситуации, а се работи  и на набавка на најсовремени инструменти за мострирање 

Овој случај ќе има правна разрешница, а јавноста ќе биде запознаена со сите мерки кои ќе ги преземе инспекторатот, додаде директорката.

Таа сепак призна дека инспекторите, како што претходно алармираа екоактивистите и градоначалникот, не реагирале навремено, по што таа смата иницирала испитување.

- Државните инспектори самостојно работат во својата проценка дали ќе земат мостри во тој момент. Тоа е точно дека не земале мостри, но јас како директор ги побарав сите досегашни испитување и ќе бидат доставени до ОЈО Куманово кое веќе отвори случај за овој еколошки инцидент

Резултатите се земени пред еден ден од анализата на градоначалникот и не се точни. Во моите извештаи од акредитирана лабораторија, цијаниди во Крива Река има помалку од 2

Прво да го добиеме официјалното вештачење,па ќе видиме дали ќе има кривична пријава за „Булмак“

Градоначалникот Митовски не знаел да ги прочита резултатите и покажал повеќе загриженост за неговиот мандат без да побара соработка, рече таа пред медиумите.