ekran платформа за слободоумни
Регионалната спортска телевизија Спорт Клуб, со чии ТВ преноси пораснаа многумина од нас, ги брои последните часови од своето постоење и од денеска повеќе нема да постои. По 19 години успешна работа, престанува да се емитува на ТВ станиците, што разочара многу фанови.
Како што е веќе познато, со продажбата на српската компанија СББ, сите спортски содржини од Спорт Клуб се префрлаат на Арена Спорт. Ова ќе биде крај на повеќедецениската спортска приказна која го одбележа регионот, а Спорт клуб повеќе нема да постои.
Сите спортски содржини од Спорт клуб се пренесуваат на каналите на Арена Спорт. Оние кои имаа Спорт Клуб во блиска иднина треба да добијат Арена Спорт канали и таму ќе можат да ги гледаат сите содржини на кои се навикнати да ги гледаат со коментаторите на Спорт Клуб.
Тоа значи дека кошаркарската Евролига, фудбалската Бундес лига, мото спортот, Формула, целиот тениски календар и многу други содржини се префрлени на каналите Арена спорт.
Ако го погледнеме програмското соопштение на каналот Спорт клуб за утре, нема ништо во него и оваа телевизија повеќе нема да емитува содржини.
Danas je poslednji dan @sportklub kanala. Samo želim da se zahvalim svim profesionalcima sa ove televizije koji su nam ulepšali detinjstvo i mladost. Pobediće pravda na kraju, tako da kao što Viško reče, nije zbogom nego doviđenja! Hvala celom Sport Klubu za sve! pic.twitter.com/PUpQekY8ff
— Stefan Ninić (@NinicStefan) March 31, 2025
Со договорот и продажбата помеѓу Телеком Србија и Јунајтед Груп, содржината на Sport Klub престанува да се емитува за целиот регион, односно Босна и Херцеговина, Србија, Црна Гора и Македонија. Со ова заврши долгогодишната битка за спортски ТВ-права и повеќе нема да има конкуренција.
Коментаторите на Спорт клуб со денови емотивно се збогуваат. Така кошаркарскиот стручњак Дарко Плавшиќ во солзи го одјавил последниот пренос на Црвена Звезда во Евролигата, а цела сала го извикувала неговото име.
Најпопуларното име на Спортскиот клуб, прославениот коментатор Небојша Вишковиќ, кој ја следеше целата кариера на Новак Ѓоковиќ и се наметна како најголем тениски познавач на овие простори, со големи емоции го одјави последниот пренос.
„По повеќе од 700 натпревари на Новак со овој знак СК, па вие замислете колку бодови се тоа, можеби последниот е пред нас. Велам можеби, затоа што сите се надеваме дека темнината ќе трае помалку од кариерата на Новак“, рекол Вишковиќ, кој додал дека ова „не е збогум, туку догледање“.
„Тоа е тоа. Само треба да ви кажам, во име на целиот Спорт клуб, дека беше и привилегија и чест да се дружам со вас речиси две децении. Но на крајот, не е збогум, туку догледање. Не добра ноќ, туку добро утро”, додал Вишковиќ.
Фото: Принтскрин/sportklub
