Уште едно лице го тужи музичкиот магнат и рапер Шон Комбс Диди затоа што го силувал и злоставувал за време на забава во 2015 година на која присуствувале други познати личности.
Имено, наводната жртва Џозеф Манзаро тврди дека бил силуван, сексуално нападнат и принуден да носи маска за пенисот за време на забава организирана од Диди во април 2015 година.
Во тужбата, која е поднесена во Флорида, се наведува дека „Комбс помагал и учествувал во трговијата со луѓе и директно поттикнувал акти на сексуално насилство“.
Во својата тужба, наводната жртва именува неколку познати личности кои наводно ги видел на забавата, меѓу кои Џеј Зи, Бијонсе, Леброн Џејмс, Глорија и Емилио Естефан и други.
Манзаро тврди дека горенаведените познати личности наводно биле сведоци на нападот на Комбс, но тој го тужи само основачот и музичар-продуцент на Bad Boy Records, Емилио Естефан за недолично однесување, заедно со поединците Ерик Мехијас, Брендан Пол и Адриа Инглиш.
Претставниците на Џеј Зи и Бијонсе не одговорија веднаш на барањата на медиумите. Сепак, претставник на Глорија и Емилио Естефан изјави за „Page Six“ дека тие „жестоко ги отфрлаат наводите.
Портпаролот на Џејмс изјави дека оваа тужба е „очигледно лажна и не заслужува ниту пријава или одговор“, бидејќи според податоците на Интернет, Леброн работел во текот на април 2015 година и не бил во Мајами.
Адвокатскиот тим на Диди, исто така, ги негираше тврдењата, велејќи дека тужбата покажува до каде се ќе одат тужителите за да добијат оштета.
„Ниту еден разумен човек што ја чита оваа тужба не може да поверува во оваа приказна. Г-дин Комбс едвај чека да го има својот ден на суд каде ќе бидат откриени овие лаги и развратните мотиви на оние што ги кажале“, соопштија тие.
Според судските документи, Манзаро рекол дека „почувствувал мрсна супстанца слична на вазелин на раката“ по пристигнувањето дома во неговата резиденција во Вест Палм Бич, Флорида, додека се обидувал да ја отклучи вратата. Потоа се обидел да ги измие рацете, но изгубил свест
Манзаро во тужбата тврди дека бил одведен во замокот на семејството Естефан на Стар Ајленд Драјв во Мајами. По пристигнувањето наведува дека Глорија ја испаничила кога ја видела неговата „влошувачка состојба“ и побарала да се повика брза помош. Но, обвинетиот Емилио брзо ја замолкнал и ја однел меѓу останатите гости.
Манзаро тврди дека го видел и Џејмс Леброн, кој наводно носел бел пешкир и кафени чевли за туширање и торба за бричење. Тој продолжува и вели дека личниот асистент на Диди потоа го однел „низ скриен тунел“ од замокот Естефан што го води до замокот на Пи Диди.
Откако Манзаро наводно делумно се освестил, тој тврди дека ги видел Џеј Зи и Бијонсе. Во тоа време, тој наводно носел маска за пенисот што му ја ставил Пи Диди.
„Џеј Зи и Бијонсе Ноулс-Картер седеа во соба, а откако го виде обвинетиот, Бијонсе праша: „Што е ова? За што се работи? Зошто овој полугол бел дечко со маска за пенисот стои овде пред мене?“.
Манзаро тврди дека потоа насилно бил воден низ неколку соби во кои имало гости, кои го исмевале додека носел маска. Потоа бил соблен и ставен во просторот за туширање каде две непознати жени насилно го миеле додека обвинетите Ерик и Бони Ривера гледале. Потоа носел танга и црна кожна маска преку главата.
За потсетување, Пи Диди беше уапсен на 16 септември во Њујорк, а ќе остане во притвор до почетокот на судењето кое е закажано за 5 мај годинава.