Најдобрите менаџери водат со пример (работат рамо до рамо со вработените)

Голем дел од незадоволството на работното место треба да им се припише на менаџерите кои не водат со пример. Ниските резултати на ангажираност на лидерите ги иритираат и демотивираат вработените. Се согласувате ли?

Kaко изгледаат вистинските лидери? Оние кои придонесуваат рамо до рамо со вработените и кои им се омилени на вработените?

Водат со поставување на вистинскиот пример, односно со создавање на најдобриот можен „тон и ритам на работење од врвот“.

Како менаџер или лидер на кое било ниво, добро да одлучиш да водиш со пример.

Но, зошто би го сакал тоа?

За да имаш најголеми шанси за успех.

За да бидеш добар пример.

За да ги инспирираш вработените.

Односно, да конкретизираме постојат две практични причини зошто водењето со пример има одлична смисла и за кариерата и за бизнисот:

Тоа е ефикасно.

Ги тера луѓето да сакаат да те следат.

Ваквиот пристап поставува вистински тон за оние на пониските нивоа во организацијата, кои внимателно набљудуваат (како што најчесто сите прават) како се однесуваат нивните лидери.

Тоа ја неутрализира секоја можна лутина или незадоволство што може, со или без причина, да се почувствува кон високо позиционираните менаџери.

Тешко е да се чувствуваш огорчен кон менаџери кои ги засукуваат ракавите, навлегуваат во рововите и ги делат истите жртви, како и нивните тимови.

Одамна е кажано: „Примерот не е главната работа во влијаењето врз другите, тоа е единствената работа“.

Спротивниот пристап – да не се води со пример – е еден од најбрзите начини да се отуѓат луѓето.

Бројни кариери се поткопани токму поради тоа – кариери на исклучително талентирани директори кои имаа проблеми затоа што не го покажуваа истото однесување што го бараа од другите. Ова е брз рецепт за изгубена лојалност.

За да водите со пример не ви треба талент, туку макотрпна работа – ова е однесување кое е целосно под контрола.

Голем дел од работниците цврсто се согласуваат со изјавата дека „менаџерите ги отелотворуваат вредностите што ги очекуваат од своите вработени“.

Голем дел од незадоволството на работното место треба да им се припише на менаџерите кои не водат со пример.

Ниските резултати на ангажираност на лидерите ги иритираат и демотивираат вработените.

Тешко е да се замисли менаџерска особина што може да има толку силно позитивно влијание и која толку често непотребно се занемарува.

Па, доколку сте на лидерска позиција, вреди да размислите, зарем не?

Извор