Се чини дека трговската војна си го прави своето. Најновите податоци на Царинската управа на Кина, кои се однесуваат за февруари, покажуваат дека оттаму речиси целосно запре извозот на електрични возила (ЕВ) во Северна Америка, иако мора да се напомене дека секако не станува збор за големи бројки за тој регион. Имено, во февруари од Кина биле извезени само 163 возила за регионот Северна Америка, што на годишна основа претставува пад на извозот од 97 проценти.
Прочитај повеќе
„Мерцедес“ би ги повлекол најевтините модели од САД за да се спаси од царините на Трамп
„Мерцедес-Бенц“ наводно планира да ја намали или да ја стопира продажбата на свои најевтини модели на американскиот пазар.
02.04.2025
Македонските автомобилски компании се најмногу изложени на ризик од царините на Трамп
Негативните последици од одлуките на Трамп ќе ги почувствуваат компаниите од регионот Адрија кои се дел од европскиот синџир на снабдување за автомобилската индустрија.
02.04.2025
Кина, Јапонија и Јужна Кореја се поврзуваат за слободна трговија наспроти царините од САД
Иако нема јасен сигнал за значителен напредок кон пактот, сепак преговорите покажуваат зголемена подготвеност меѓу трите земји да ги зајакнат врските.
30.03.2025
„Порше“ и „Мерцедес“ може да загубат 3,7 милијарди долари поради царините
Царините на Трамп ќе ги погодат извозниците на автомобили и на автоделови.
27.03.2025
Меѓу многуте губитници, Илон Маск е победник во војната со царините за возилата
Планираните царини на американскиот претседател Доналд Трамп за увоз на автомобили ќе им наштетат на автопроизводителите во светот и ќе ги зголемат цените за американските потрошувачи.
27.03.2025
Дали е време за купување акции на „Тесла“ или компанијата на Маск е новата „Нокиа“
„Продажбата на 'Тесла' не паѓа затоа што Маск не ни е симпатичен, туку затоа што компанијата не го испорачува ветеното“, вели Новотни.
26.03.2025
Значајно е опаднат кинескиот извоз на ЕВ и во Европа. Бројките покажуваат дека во февруари се испорачале 28.866 електрични возила, што претставува пад од 30 проценти во однос на истиот месец лани, додека конкретно кон земјите од Европската Унија биле испорачани 18.907 електрични возила, што е пад од 41 отсто.
Сепак, впечатокот е дека Кина бара алтернативни пазари за пласман на своите ЕВ со оглед на тоа што извозот во споменатиот месец во Африка е зголемен за 87 проценти, на 1.275 испорачани електрични возила.
Вкупно гледано, кинескиот извоз на ЕВ во февруари е намален за 18 проценти, на 92.625 возила.
На континентално ниво Азија е најголемиот увозник на електрични возила од Кина во февруари
Bloomberg Mercury
Кога станува збор за поединечни земји, во моментов најголем пазар на Кина за пласман на тие производи е Белгија, дури и покрај драстичниот пад. Имено, во февруари од Кина во Белгија се извезени 10.105 возила, што е дури за 41 отсто помалку од истиот месец лани.
Од друга страна, расте увозот на кинески возила во други земји, како Индонезија, каде што во февруари стигнале 5.737 електрични возила, што е пораст од 79 отсто, или Турција со 3.781 увезено електрично возило, односно раст од 131 отсто. Особено е видлив, дури и неверојатен, растот на извезени електрични возила во Мексико. Таму Кина во февруари испорачала 7.847 возила, што е раст дури од 623 проценти. Ваквите бројки го сместија Мексико на четвртото место на листата на земји што се најголеми извозни пазари за кинеските електрични возила.
Текстот е напишан со помош на податоците објавени од „Блумберг њуз“ (Bloomberg News).
.webp){kind=icon}
