Скаутот на фудбалскиот клуб Спортинг Лисабон, Аурелио Переира, кој е одговорен за откривањето на легендарните фудбалери Кристијано Роналдо и Луис Фиго почина на 78-годишна возраст.
Спортинг не ја наведе причина за смртта на Переира, кој исто така беше поранешен играч и тренер на клубот од Лисабон.
Роналдо го нарече Переира „еден од најголемите симболи на клубот“ во откривањето и подготвувањето млади таленти ширум светот, велејќи дека „неговото наследство ќе живее вечно“.
„Никогаш нема да престанам да бидам благодарен за се што направи за мене и за многу други играчи. Ти благодарам за се, почивај во мир“, напиша Роналдо во објавата на социјалната мрежа Х.
Спортинг рече дека Переира е одговорен за откривањето на 10. репрезентативци на Португалија кои го освоија Европското првенство во 2016 година.
Переира 20 години беше тренер на младинските категории на клубот од Лисабон, а главниот терен на академијата на Спортинг го носи неговото име.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
