„Сега, ти си ѕвезда сјајна“ - Емотивен последен поздрав за Фросина Кулакова (22), која беше прегазена на Партизанска

„Таму каде ти сега си ѕвезда сјајна, таму е поубаво и почисто, безгрижно и бајковито, оти злото не знае да лета, а и да знае, од Бога се плаши...“

sega-ti-si-dzvezda-sjajna-emotiven-posleden-pozdrav-za-frosina-kulakova-22-koja-beshe-pregazena-na-partizanska-01.jpg

На 29 јануари возач ја удри со автомобил и на место ја усмрти 22-годишната Фросина Кулакова пред Универзалната сала на булеварот Партизански одреди во Скопје.

sega-ti-si-dzvezda-sjajna-emotiven-posleden-pozdrav-za-frosina-kulakova-22-koja-beshe-pregazena-na-partizanska-05.jpg

Македонија е обвиена во црно по веста. Изгубивме прекрасна млада и талентирана личност која имаше многу да ни даде и која допрва имаше живот за живеење.

sega-ti-si-dzvezda-sjajna-emotiven-posleden-pozdrav-za-frosina-kulakova-22-koja-beshe-pregazena-na-partizanska-06.jpg

Оваа огромна загуба допре до сечие срце во Македонија, а емотивна објава на прерано починатата ѝ посвети и Инстаграм профилот „Македонска поезија“ – песна од поетот Марко Виденовиќ.

sega-ti-si-dzvezda-sjajna-emotiven-posleden-pozdrav-za-frosina-kulakova-22-koja-beshe-pregazena-na-partizanska-03.jpg

Оваа емотивна и потресна песна и другпат нè допирала до срце кога Македонија ги живеела најтешките мигови.

Нивната објава гласи:

Тука секој ден е сѐ помачен. Се обидувам да се кренам над сивилото и со мене барем еден да повлечам, но тешко е, и јас паѓам.

Имам најпогани зборови да истурам, но знам дека ништо подобро не ќе сторам, само ќе се пеплосам. Сѐ повеќе се приближувам до молкот, можеби таму е спасот, подалеку од луѓето, а поблиску до мирот.

За Фросина Кулакова🖤

Врз облаци зачекори,
на меко и чисто да газиш,
тука долу тиња е,
загнасено и матно.
Таму горе,
до сонцето поблиску ќе бидеш,
ќе те гали и грее,
и патот светол секогаш ќе ти биде.
А кога сонцето ќе зајде,
не грижи се,
месечината ќе те чува,
ќе те гушка и гали,
како мајка што најнежно
на чедо свое тоа го прави.
И верувам,
таму горе над облаците,
кај сонцето и месечината,
помеѓу ѕвездите,
таму каде и ти сега си ѕвезда сјајна,
таму е поубаво и почисто,
безгрижно и бајковито,
оти злото не знае да лета,
а и да знае, од Бога се плаши
и горе не би отишло,
тоа тука на дното се гуши,
и тука долу сонот го руши.

Таму горе

sega-ti-si-dzvezda-sjajna-emotiven-posleden-pozdrav-za-frosina-kulakova-22-koja-beshe-pregazena-na-partizanska-02_copy.jpg

С. С. | Црнобело

Би можело да ве интересира:

„Ангелче мое, заедно растевме“ - Момчето на Фросина Кулакова сподели потресна објава по нејзината см... „Ангелче мое, заедно растевме и му се радувавме на животот, но не ни дозволија з...
„Две семејства се закопани, ни се случува Кецмановиќ на улица“ - Трогателни статуси по смртта на Фро... „Две семејства. Во едното расте момче коешто на 20 години зад себе веќе има крим...
Партизанска никогаш потивка - Молк и тага за уште еден изгубен млад живот Срцето ви се кине од сликата пред вас - мајки со бебиња кои не сакаат истото да ...
Кристина од Велес го истетовира својот 76-годишен дедо: „Беше емотивен момент – доби тетоважа со зна... „Ми рече: 'Веќе сум стар и не знам уште колку ќе можам да ги чувам пчелките, па ...
Триминутен молк за Фросина на Партизанска и ѕвездено небо – Толпа народ излезе на денешниот протест ... Во 17 часот со триминутен молк започна протестот под паролата „Секој еден може д...
Другарка на девојката што загина на „Партизанска“ пред 10 години, со потресна порака: „Почувствував ... „Денес, кога прочитав дека повторно на истата улица, кај Универзална, згаснал мл...

Најчитани неделава

sonovnik-sidebar.jpg