• Иван Димовски
Европската ракометна федерација донесе одлука за натпреварот од ЕХФ Купот меѓу Партизан и АЕК кој беше одложен поради однесувањето на домашните навивачи. Србите фрлаа пиротехника на теренот, а поради тоа гостинските ракометари се повлекоа и средбата не се одигра.
Одлуката на ЕХФ се очекуваше до среда, но дојде порано и стана јасно дека натпреварот ќе добие нов термин. Сепак, Партизан нема да ја има привилегијата да игра на домашен паркет, туку средбата ќе се одигра на неутрален терен.
Точниот термин и новата локација се очекува да бидат потврдени во следните денови. Голема е веројатноста ЕХФ да донесе одлука натпреварот да се игра без гледачи.
Партизан на првиот четвртфинален меч во Атина беше поразен со 27-22 од АЕК, а поради случувањата на овој дуел дојде до бес меѓу навивачите од Србија.
