Тренерот на Арсенал, Микел Артета, потврди пред англиските медиуми дека најдобриот играч во тимот, Букајо Сака, се враќа од повредата и ќе биде во конкуренција за настап на следниот првенствен меч против Фулам.
Ова се одлични вести за навивачите на „топчиите“, затоа што автоматски Сака ќе биде подготвен за игра и против Реал Мадрид во четвртфиналето од Лигата на шампионите.
„Букајо е подготвен за враќање на терените. Сакаме да ја дозираме минутажата, иако тој инсистира да игра повеќе. Ќе се обидеме паметно да ја менаџираме неговата ситуација, бидејќи ни е потребен и во Лигата на шампионите.
Знаеме какво влијание има врз нашата игра и колку може да им помогне на своите соиграчи. Сака е фудбалер од светска класа и многу сме среќни што го имаме во нашиот состав. Ќе видиме дали ќе игра против Фулам, се надевам дека ќе добие минути на теренот“, изјави Артета.