Во Кочани деновите сѐ почесто се шпекулира дека независниот советник во Советот на Општина Кочани, Венко Крстевски веќе обезбедил мнозинство за да биде избран за вршител на должноста градоначалник, откако од позицијата по трагедијата во дискотеката „Пулс“ неотповиклива оставка поднесе градоначалникот Љупчо Папазов, следнио ден си поднесе неотповиклива оставка.
Крстевски ветува дека за седум месеци „ќе сработи повеќе отколку сите градоначалници до сега во овие 30 години“.
Планира строго да ги контролира угостителските објекти и незаконските тенди во градскиот трговски центар да ги урне. Тој е речиси осум години советник и има значително искуство за локалните проблеми во Кочани.
Исто така е чест говорник во Советот на Општина Кочани, за проблеми околу локалната инфраструктура, проблемот со депонијата, сообраќајниот хаос, како и водоводната и каналазициона мрежа, локалниот спорт и подршка на спортските клубови.
Исто така ветува дека ќе завземе и поголема улога во работата на ФК Осогово, бидејки во минатото тој беше и неформален водач на навивачката група Сејмени и претседател на ГФК Осогово.
По трагедијата во Кочани, Венко Крстевски е често присутен во медиумите со свои предлози и директни акции за средување на состојбата во градот.
