Научниците велат дека патувањето низ времето е возможно – и луѓето веќе го направиле тоа
Патувањето низ времето долго ја фасцинирало човечката цивилизација, од Временската машина на Х. Г. Велс до Интерстелар на Кристофер Нолан. Иако најчесто се смета за научна фантастика, физичарите тврдат дека патувањето низ времето е реално – само не онака како што е прикажано во филмовите.
Експерименти што ја потврдуваат оваа теорија
На Земјата, сите се движат низ времето со брзина од една секунда по секунда. Сепак, според теоријата на релативноста на Ајнштајн, времето тече различно во зависност од брзината. Колку побрзо некој се движи, толку побавно го доживува времето. Астронаутите на Меѓународната вселенска станица (ISS), кои патуваат со брзина од 28.100 км/ч, стареат побавно од луѓето на Земјата, што ги прави вистински „времепатници“.
Во 1971 година, научниците Хафеле и Китинг го докажаа овој ефект со летови на атомски часовници во комерцијални авиони. Како што предвидела теоријата, часовникот што патувал источно загубил 59 наносекунди, додека западниот добил 237 наносекунди, што ја потврдило теоријата на Ајнштајн.
Дали може да се патува во минатото?
Додека патувањето во иднината е докажана појава, враќањето во минатото е многу покомплицирано. Теоретските физичари сметаат дека искривувањето на просторот и времето би можело да создаде „црвоточини“ – тунели низ времето. Сепак, за да се одржи таква структура, би била потребна „негативна маса“, која сè уште е само теоретска можност. Покрај тоа, дури и ако се создаде машина за патување низ времето, таа би овозможила патување само до моментот на нејзиното активирање.
Затоа, иако патувањето во иднината се случува секојдневно, враќањето во минатото – како во Враќање во иднината – останува дел од научната фантастика.
Ништо ново!
Ние сите со брзина на светлината патуваме во времето на хомосапиенс!
Коментирај анонимно