Руско-американската државјанка Ксенија Карелина, која беше осудена на 12 години затвор во Русија за донирање 51,80 долари за украинска добротворна организација во САД, утринава беше предадена на американските власти во размена на затвореници со Москва.
Акцијата се случила рано утринава на територијата на Обединетите Арапски Емирати, поточно во Абу Даби. Убавата Ксенија им беше предадена на Американците во замена за Артур Петров.
Да потсетиме дека убавата Ксенија беше уапсена на почетокот на 2024 година во Јакетеринбург, додека била на гости кај баба ѝ и и дедо ѝ.
Ксенија Карелина живеела во Лос Анџелес и вежбала балет до нејзиното апсење, а американско државјанство добила во 2021 година.
Таа отишла во Русија во јануари 2024 година за да ги посети роднините, но САД дознале за нејзиното апсење дури на 8 февруари. Крис Ван Херден, момчето на Ксенија, претходно изјави за CNN дека ѝ купил билет за Русија како роденденски подарок. Тој рече дека таа е „горда што е Русинка и не гледа вести“. Меѓутоа, веднаш штом пристигнала на руска територија, била уапсена, а подоцна осудена за помагање на Украина.
Да потсетиме, руската Федерална служба за безбедност (ФСБ) ја обвини Ксенија Карелина за учество во „јавни акции за поддршка на режимот во Киев“.
© Vecer.mk, правата за текстот се на редакцијата
