Драматични снимки: голем пожар на гасовод кај Куала Лумпур, повредени најмалку 63 лица

Драматични снимки: голем пожар на гасовод кај Куала Лумпур, повредени најмалку 63 лица

пред 2 дена

Најмалку 63 лица се згрижени во болница во Малезија, откако избувна голем пожар на гасовод со кој управува државната енергетска компанија „Петронас“, соопштија властите, додека продолжуваат напорите за контрола на пожарот и евакуација на жителите, објави Ројтерс.

Пожарот избувна во вторникот наутро во градот Пучонг, во државата Селангор, на периферијата на главниот град Куала Лумпур, а хоспитализираните се здобија со изгореници, респираторни проблеми или други повреди, соопштија властите.

– Гасоводот е изолиран, соопштија од „Петронас“.

Противпожарната служба додаде дека компанијата затворила вентил на дел од гасоводот долг 500 метри и дека 49 домови во областа се зафатени од пожарот.

Нема информации за загинати, но се уште не е познат целосниот обем на повредени и штети. Властите претходно соопштија дека некои луѓе се заробени во нивните домови.

Текстот Драматични снимки: голем пожар на гасовод кај Куала Лумпур, повредени најмалку 63 лица е превземен од МАКФАКС.

Share