Прилеп – Еурофарм Пелистер 22:35 (8:18)
Еурофарм Пелистер од Битола без проблеми победи на гостувањето во Прилеп против истоимената екипа во последното, 22. коло од регуларниот дел од Суперлигата, триумфирајќи со убедлив резултат од 22:35. Со оваа победа “пелистерци“ го завршија “регуларниот“ дел од Супер лигата, односно пред плеј-офот. Се уште не се знае кој клуб со колку бодови ќе влезе во плеј-офот, се чека последниот меч Алкалоид и Охрид.
Разликата во квалитетот на двете екипи се покажа уште на стартот на првото полувреме ког Еурофарм Пелистер се одлепи на 4:10, а на крај по 30 минути беше 8:18.
Тренерот Раул Алонсо во второто полувреме нарави многу ротации и тактички воигрувања, но продолжението беше чиста формалност, шампион дојде до рутинска победа.
Најдобар стрелец кај пелистерци беше Цветан Кузманоски со пет гола, а Филип Кузмановски додаде четири гола. Манасков, Тајник, Борзаш, Радивојевиќ, Костески и Атанасијевиќ, сите имаа по три гола.
