• Иван Димовски
Оклахома Сити Тандер славеше во домашниот натпревар со Чикаго Булс и тоа убедливо со 145-117. Ова беше десетта победа во низа за лидерот на Западот, кој веќе си обезбеди место во плеј-офот. Најдобар поединец на средбата беше Ајзеа Џо со 31 поен, додека кај гостите се истакна Картер со 17 поени..
- Оклахома Сити Тандер - Чикаго Булс:
Шеј Гилџес Александер го заврши мечот со 27 поени и дојде само на чекор до рекордот на Мајкл Џордан. Плејмејкерот на Оклахома стигна до 68. натпревар во кој има повеќе од 20 поени, а пред него е Џордан со 69. На врвот на оваа листа е Вилт Чембрлен со 80 меча на кои имал „20 плус“ поени, а втор е Оскар Робертсон со 76.
Кошаркарите на Лос Анџелес Лејкерс славеа дома против Хјустон Рокетс (104-98). Дури четири кошаркари овој натпревар го завршија со по 20 поени, три беа во домашниот, а еден во гостинскиот табор. Кај Лејкерси со по 20 поени финишираа Дончиќ, Фини-Смит и Винсент, додека кај Рокетси тоа беше Томпсон.
- Лос Анџелес Лејкерс - Хјустон Рокетс:
На останатите терени победи забележаа Шарлот, Индијана, Клиперси, Мајами, Бостон и Бруклин.
