Натпреварот помеѓу Денвер и Минесота може да биде прогласен за меч на сезоната во регуларниот дел во НБА. Беше решен со последен напад дури по две продолженија по кои „Волците“ славеа со 140-239.
Вонсериска партија имаше Никола Јокиќ кој постигна 61 поен, што е најмногу во историјата за Србинот на еден НБА натпревар. На крајот мечот го заврши со трипл-дабл, со оглед дека имаше десет асистенции и исто толку скокови.
Во претходните натпревари оваа сезона, Минесота лесно се справуваше со тимот на Мајк Мелоун, но овој пат тоа мораше да го направи на потешкиот начин.
Нагетс одлично го отворија овој меч и со две тројки, на Јокиќ и Гордон, поведоа со 6:0, а потоа и 14:2. Денвер одигра со најголема можна брзина во првата четвртина, а Минесота не успеа да најде решение за нападот на домашните.
Српскиот кошаркар во првата четвртина постигна 16 поени, упатувајќи четири удари од шест обиди.
По последователните поени на Браун и плус десет, почнува падот на Денвер и серијата на Минесота од 10-0. До средината на втората четвртина, Тимбервулфс стигнаа и по тројката на Џулиус Рендл, првпат поведоа во натпреварот. Денвер имаше седум промет во тој период.
JOKIĆ HAS 40 POINTS AFTER SINKING HIS 5TH TRIPLE
pic.twitter.com/0Q6IarHIjp
— NBA on TNT (@NBAonTNT) April 2, 2025
Од тој момент натпреварот беше изедначен. Се играше кош за кош, а полувремето заврши со минимално водство на Нагетс.
И третиот период започна на ист начин, а резултатот се нишаше во текот на целата четвртина. Подобриот шут за два поени на Минесота дојде до водство, а процентите на Денвер паднаа, па со серија од 5-0 пред крајот на четвртината гостите успеаја да дојдат до водство од 84:79.
Јокиќ успеа да го собере својот тим и речиси сам да направи пресврт во една ваква тешка партија, па за само три минути игра во последната четвртина, Денвер повторно водеше со 89:84.
Тоа како да им даде енергија на останатите играчи на Нагетс, па со серија од 19-5 домашните повторно стигнаа до двоцифрено водство. Сепак, Денвер не издржа долго, а одбраната повторно почна да биде послабата алка во играта.
Tied the game, tied his career high pic.twitter.com/kHnXRNiq1f
— Denver Nuggets (@nuggets) April 2, 2025
Минесота успеа да влезе со негатива од три поени во последните три минути – 106:103, а потоа се разбуди Ентони Едвардс и им донесе водство на гостите со две последователни тројки.
Во последните минута и пол најпрвин Браун, а потоа и Гордон упатија отворени тројки, но ниту еден од гостите не упати шут, па Минесота на 30 секунди до крајот влезе во игра со два поени предност. Јокиќ погоди две слободни фрлања на 13 секунди до крајот, а Рендл го промаши шутот за победа, со што натпреварот беше продолжен.
Минесота водеше цело продолжение, а потоа во последните 30 секунди Денвер поведе со нереални тројки, а потоа Јокиќ со кош го донесе второто продолжение.
Се играше изедначено, Јокиќ направи се на теренот, а потоа на 17 секунди до крајот беше фаулиран, само погоди едно од двете слободни фрлања. Минесота потоа ја загуби топката, а Вестбрук промаши скокач при контранапад на десет секунди до крајот, а потоа Александар-Вокер беше фаулиран од Вестбрук при шут за три поени на неполна секунда до крајот на натпреварот.
НБА, РЕЗУЛТАТИ:
Атланта – Портланд 113:127
Милвоки – Финикс 133:123
Њујорк – Филаделфија 105:91
Чикаго – Торонто 137:118
Мемфис – Голден стејт 125:134
Сан Антонио – Орландо 105:116
Денвер – Минесота 139:140
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
