• Горан Упале
Фудбалерите на Манчестер Сити им се вратија на победите во Премиер лигата, откако на „Eтихад“ со сигурни 2-0 (2-0) славеа во соочувањето со Лестер Сити. Англискиот шампион, кој одамна ги загуби шансите за одбрана на титулата, ја забележа петнаесеттата победа оваа сезона, а истата беше обезбедена уште по првите половина час игра.
- Манчестер Сити - Лестер Сити 2-0:
Во втората минута Џек Грилиш ги отвори резултатот, додека зимското засилување Омар Мармуш стрелаше во 29. минута за конечни 2-0.
Според планот одигра и екипата на Њукасл, уште еден кандидат за местата кои што идната сезона водат во Лигата на шампионите. „Страчките“, по освојувањето на Лига Купот на Англија, добрата атмосфера ја одржуваат и со одлични игри во Премиер лигата, а вечерва на „Сент Џејмс Парк“ совладан беше Брентфорд со 2-1. Стрелци на головите за домашниот тим беа Александер Исак и Сандро Тонали, додека почесниот погодок за „пчелите“ го постигна Мбеумо.
- Њукасл - Брентфорд 2-1:
На „Амекс“ во Брајтон, екипата на Астон Вила запиша големи три бода на своето конто, откако со головите на зимските засилувања Рашфорд, Мален и Асенсио славеше над домашниот тим со убедливи 0-3.
- Брајтон - Астон Вила 0-3:
Во битката за опстанок Ипсвич неочекувано извојува победа на гости кај Борнмут (1-2), додека Саутемптон во самиот финиш испушти водство против Кристал Палас и освои само еден бод (1-1).
- Саутемптон - Кристал Палас 1-1:
Вонредното коло утре ќе го затворат Челзи и Тотенхем.
