• Горан Упале
Хрватската ракометна репрезентација го освои сребрениот медал на Светското првенство, откако во финалето во Осло пред 15.000 гледачи загуби од Данска со 26-32 (12-16).
За жал, „ранетата“ и уморна Хрватска не можеше да ја запре моќната данска машина. И покрај големата посветеност и труд, хрватските ракометари не успеаја да ја прекинат победничката серија на Данска, која трае од 2019 година, дури четири последователни Светски првенства. Ова е прв медал за хрватските ракометари на Светските првенства по бронзениот медал во 2013 година во Шпанија, а вкупно шести, вклучувајќи го и четвртиот сребрен медал.
Со финалниот натпревар на Светското првенство Домагој Дувњак официјално се прости од репрезентацијата, а на крајот од натпреварот Данците направија гест за пофалба.
Имено, Хрватска го имаше последниот напад на натпреварот, а во последните секунди можеше да се види како Дувњак му сигнализираше нешто на данскиот голман Грин, а договор беше тој да го даде последниот гол, со кој ќе се прости од репрезентативниот дрес.
A lovely moment at the end of a fierce battle. Domagoj Duvnjak scores one final international goal, honoured by the Danish players before they wheel away in celebration of their 4th consecutive World title! pic.twitter.com/5a4OfkHfY6
— (Un)informed Handball Hour (@HandballHour) February 2, 2025
Хрватскиот капитен се прошета пред данската шесторка без одбранбен отпор и постигна утешен гол, а потоа емотивно го прегрна Грин. Дувњак се прости од хрватската репрезентација со девет освоени медали и ќе остане запаметен како еден од најголемите хрватски спортисти на сите времиња.
