184 лица загинаа при уривање на покрив на ноќен клуб во Санто Доминго, Доминиканска Република, јави агенцијата Франс прес, повикувајќи се на спасувачки тимови.
„За жал, мораме да ве информираме дека во оваа фаза извадивме 184 тела“, изјави директорот на Центарот за итни операции, Хуан Мануел Мендез.
Медиумите јавуваат и за 250 повредени.
Засега не се познати причините за уривањето на покривот, а истрагата е во тек.
Досега се идентификувани 54 од загинатите, а 28 тела веќе се предадени на нивните роднини, јави Асошиетед прес.
За време на операциите за пребарување и спасување, под урнатините на зградата беа извлечени 145 преживеани, додава Асошиетед прес.
