Во Тоскана, каде училиштата останаа затворени во неколку градови, вклучително и Фиренца, поради портокаловото предупредување за лошо време, во текот на ноќта се забележани обилни врнежи, особено интензивни во областа Муџело, северно од Фиренца, објави Национале.
Гувернерот на Тоскана Еугенио Џани на Телеграм изјави дека реките го надминале „нивото на тревога 1“ и дека реката Арно во Фиренца е над границата.
#SestoFiorentino. #Arno #AllertaMeteo #Maltempo pic.twitter.com/0TBWUoh9zj
— Marino Pinto (@Dipingocalcio) March 14, 2025
Во Фиренца улиците се претворија во реки, а на социјалните мрежи се појавија видеа од поплави.
Метеоролозите предупредуваат на дополнително влошување на времето, со „обилни и постојани врнежи од дожд во линијата што се протега од провинцијата Ливорно до провинциите Пистоја, Фиренца, Прато и Арецо“, рече Џани.
Во исто време, обилни врнежи ја погодија и Емилија-Ромања, главно во областите Форли, Равена, Болоња и Ферара, каде што неколку реки, како што се Сенио, Ламоне и Сандерно, ги надминаа нивоата на предупредување во планинските области на Апенините. Црвеното предупредување е на сила.
Maltempo, esondato il Rimaggio a Sesto Fiorentino dove continuano le forti precipitazioni. Sta intervenendo il sistema di Protezione Civile insieme a Vigili del Fuoco e Forze dell’Ordine. L’appello del sindaco: “Non uscite di casa”. pic.twitter.com/NZIm0v5Kxf
— Tgr Rai Toscana (@TgrRaiToscana) March 14, 2025
Во Болоња училиштата се затворени, а пониските катови во некои улици се евакуирани. Во сила е предупредување за поплавување на реки, помали потоци и опасност од лизгање на земјиштето.
Во Кампанија на сила е жолто предупредување за ветер и бури.
© Vecer.mk, правата за текстот се на редакцијата
