Москва, 31 март 2025 (МИА) - Пресудата за лидерката на десничарската француска партија Национален собир, Марин Ле Пен, ја покажува агонијата на либералната демократија, изјави портпаролката на руското Министерство за надворешни работи, Марија Захарова.

Судот во Париз ја прогласи лидерката на крајнодесничарската француска партија Национален собир, Марин Ле Пен за виновна за злоупотреба на средствата на Европскиот парламент, изјави судијата Бенедикт де Пертуи.

Ле Пен е осудена на четири години затвор. Според одлуката, две од четирите години затвор ќе бидат условна казна. Судот пресуди и дека Ле Пен треба да добие петгодишна забрана за вршење јавна функција и треба да плати парична казна од 100.000 евра. рп/

Фото: МИА архива