Војводата од Сасекс вчера го посети Центарот „Суперлуѓе“ во Лавов, ортопедска клиника и центар за рехабилитација за возрасни и деца погодени од војната во Украина.
Организацијата бесплатно обезбедува специјалистичка протетика, поддршка за менталното здравје и физиотерапија на повредените ветерани и цивили, пренесе ДПА.
За време на посетата, војводата го обиколи центарот и се сретна со пациенти и медицински работници за да се запознае со услугите што се нудат таму.
Хари се сретна и со министерката за ветерани на Украина, Наталија Калмикова.
Централната клиника на Центарот за Суперлуѓе е на теренот на болницата за ветерани Y. Lypa и има повеќе од 3.000 пациенти годишно, според веб-страницата Суперлуѓе.
© Vecer.mk, правата за текстот се на редакцијата
