Полицијата денеска го пронашла, извршила службен разговор и го санкционирала возачот кој на 28-ми овој месец возел со автомобил по тротоар на булевар „Гоце Делчев“ во Скопје и ја загрозил безбедноста на пешаците.
„На 31.03.2025 полициски службеници од СВР Скопје го пронајдоа и извршија службен разговор со Л.М. од Скопје, затоа што со патничко возило „ауди” со скопски регистарски таблички на 28.03.2025 се движел по тротоар и по зелена површина на бул. „Гоце Делчев” на Бит Пазар во Скопје и со тоа ја загрозил безбедноста на пешаците“, информираат денеска од МВР.
Оттаму додаваат дека снимка од настанот била споделена и на социјалните мрежи. Против Л.М. се поднесени соодветни поднесоци.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.