• Горан Упале
Ова дефинитивно не е сезона на Манчестер Сити. Во моментот кога навивачите на актуелниот шампион на Англија го славеа пласманот на нивниот тим во полуфиналето на ФА Купот, пристигна нова лоша вест - се повреди Ерлинг Халанд.
Норвежанецот доживеа удар во четвртфиналето против Борнмут поради што предвреме го напушти теренот, но на почетокот се чинеше дека тоа е само претпазливост на тренерот Пеп Гвардиола и неговата желба да не го оптоварува еден од своите најдобри играчи. Сепак, се покажа дека ситуацијата е посериозна отколку што се мислеше.
Напаѓачот на Сити го напушти стадионот со патерици и со заштитна „чизма“ на ногата, а денеска треба да биде подложен на дополнителни лекарски прегледи за да се утврди состојбата на повредениот скочен зглоб.
BREAKING: Erling Haaland left Bournemouth with his left foot/ankle in a protective boot following the injury sustained in the second-half.
TikTok: celebstarclips pic.twitter.com/DNB2H8phyh
— City Xtra (@City_Xtra) March 30, 2025
Според медиумите на Островот, во моментов е извесно дека Ерлинг Халанд нема да биде во составот за премиерлигашкиот дуел против Лестер в среда, но под сериозен сомнеж е и неговиот настап на дербито против Манчестер Јунајтед кое в недела ќе се игра на „Олд Трафорд“.
