Коки: „Големите уметници во сексот секогаш го изведуваат својот исклучителен настап на БИС!“

Понеделничниот афористички поглед на Никола Бошков Коки за читателите на заедницата на Дума.мк ги перцепира следниве поводи, настани и случувања:

„Први Април ден е на шегата, сите останати денови во годината  се сериозни денови, денови на поскапувања.“

„Големата катастрофа и трагедија ја отворија Пандорината кутија. Завесите во некои министерства и нефункционални институции конечно паднаа, сега СЕ се ГЛЕДА.“

„Господата од власта секогаш го добиваат она што го посакуваат, но никогаш она што го заслужуваат!“

„Наместо да ги поместат стрелките на часовникот час нанапред, многу жени несомнено би посакале да го вратат календарот и времето, неколку години наназад.“

„Откако мојот сосед остана без коса, сопругата му начука рогови, неможеше да го гледа ќелав.“

„Големите уметници во сексот секогаш го изведуваат својот исклучителен настап на БИС!“

„Стравувам дека за возрасните неминовно наближува времето кога во сексот, како и во кошарката, еден погодок ќе го сметаме како ТРИ!“

Вашиот, Коки