САШКО ЈАНЧЕВ ИЗБРАН ЗА НОВ ЧЛЕН НА ПРЕЗИДИУМОТ НА ЛЕВИЦА - партијата ќе се фокусира на претстојните локални избори
Објавено во: Македонија 07 Април, 2025 08:18
Левица, како што информираа од партијата, ја одржала 28-та редовна сесија на Централниот комитет, и на неа биле донесени стратешки одлуки во пресрет на претстојните Локални избори 2025. Сесијата почнала со едноминутен молк за жртвите во трагедијата во Кочани.
На сесијата на ЦК едногласно бил верификуван актуелниот пратеник м-р Сашко Јанчев како нов член на Президиумот на Левица. Во своето обраќање, Јанчев истакнал дека народот е алергичен на корумпираните политички елити кои со децении ја злоупотребуваат државата за лични криминални интереси.
„Властите пробаа сѐ за да ја подјармат Левица - со притисоци, спинови и пари, но не успеаја! Токму тоа, нивниот неуспех да ја направат Левица како нив, е она што најмногу ги плаши“, рече тој.
Централниот комитет усвоил политичка рамка за дејствување во наредниот период, со фокус на есенските Локални избори, како фронт за жестока пресметка со режимскиот апарат.
„Во услови на постојана репресија, изборен инженеринг и клиентелистички октопод кој го гуши секој обид за народна еманципација - Левица ќе настапи бескомпромисно, чесно и организирано, како глас на обесправените и бастион на некорумпираноста. Времето на калкуланти, опуртинисти, предавници и квазиопозиционери заврши. Борбата продолжува - на улиците, во институциите и на изборните полиња. Со народот, за народот!“, се вели во објавата од партијата.
Можеби ќе ве интересира
За Велигден без плата, протест пред Министерството за култура
Француски туристи тешко повредени на патот Кичево - Охрид
„ВЕЛИГДЕН Е ВРЕМЕ ЗА СЕБЕАНАЛИЗА, САМОКРИТИКА И ПРОМЕНА“ - претседателката Гордана Силјановска-Давкова специјално за Женски магазин
ЗИЈАДИН СЕЛА СЕ ОГЛАСИ СО ПОРАКА ДО ВРЕДИ: „Да ја напуштат Владата и да дојдат да се обединиме, за да притиснеме за предвремени парламентарни заедно со локалните избори“
Обвинителството отвори случај за токсична пепел во РЕК Битола
„ВМРОВСКАТА ВЛАДА УШТЕ ИСКРЕНО НЕ СЕ НИ ЗАБЛАГОДАРИ ЗА ПОМОШТА ОД БУГАРИЈА“: Георгиевски кажа што му остави впечаток на Велики петок
„ЗАМИСЛЕТЕ ДЕТЕТО ВИ ДОБИВА ТЕМПЕРАТУРА ВО СРЕД НОЌ, СЕ НАОЃАТЕ ВО ДОЈРАН- ЕДИНСТВЕНА ДЕЖУРНА АПТЕКА ВО СКОПЈЕ“: Мајка немала каде да купи сируп за детето
ГРУЕВСКИ ОТКРИВА: Папата Франциск ја спасил од рушење споменичната композиција на Мајка Тереза на плоштадот Македонија
„НЕ ПОСТОЈАТ ДОБРИ ПАРТИИ, ПОСТОЈАТ ДОБРИ ЛУЃЕ“: Повик да се изгради Кочани од фејсбук групата „Кочани“
