Пејачката Теодора Џехверовиќ низ годините претрпе значајна трансформација, а неодамна отворено проговори за козметичките зафати што ги имала.
Одговарајќи на прашања од нејзините следбеници на Инстаграм, таа откри и еден недостаток на постапката на која била подложена додека била сè уште тинејџерка.
Теодора претходно призна дека ставила силиконски импланти, операција на увото на 16 години и ги зголемила усните, но тврди дека тука застанала, иако многумина не и веруваат.
На прашањето дали некому би препорачала операција на увото, пејачката без двоумење одговорила:
– Од сѐ срце би ја препорачала на секој што тоа го мачи. Тоа е најдоброто нешто што сум го направила. Единствената лоша страна е што морав да избричам два прста коса од двете страни. Мислам дека сега не е потребно ако се прави приватно – одговори Теодора.
Пејачката проговори и за вградувањето силиконски импланти и рече дека процедурата е болна, но вреди да се издржи болката.
– Зборот презадоволна е смешен за тоа како се чувствувам по операцијата. „За мене ова се најубаво изработени гради, нема да бидам скромна“, одговорила Теодора, а потоа продолжила:
– Јас имав точна визија колкави гради сакам и како сакам да изгледаат. Сакав тие да бидат „природно“ изработени гради кои сега се толку убаво обликувани што, верувајте ми, многу луѓе не би ни знаеле дека некогаш сум ги направила. Дали боли? Да. Не можам да ве лажам дека не е болна операција. Едноставно, болката трае месец и половина, а првите седум дена се каете што воопшто сте направиле било што – одговорила Теодора.
Нејзините одговори предизвикаа бројни реакции, а пејачката уште еднаш покажа дека нема проблем искрено да зборува за промените во изгледот.
фото: printscreen/instagram
