Обвинителството соопшти дека групата сексуално експлоатирала околу 30 кинески жени во Брисел, пренесе Ројтерс.
Иако активностите на групата биле главно фокусирани на бриселската област, жртвите работеле на 16 локации низ земјата.
Жртвите, сите кинески државјани, редовно ги менувале работните места.
„Федералната полиција во Брисел стави крај на криминалните активности на наводната група кинески сторители кои се занимавале со сексуална експлоатација на жени, исто така од Кина. Жртвите работеле во приватна проституција, во различни делови на земјата“, соопшти обвинителството.
Обвинителството додаде дека на 20 март биле извршени 16 претреси, а седуммина осомничени биле уапсени.
Истрагата покажала дека некои од уапсените жени во Белгија биле познати и дека работеле и во Холандија.
© Vecer.mk, правата за текстот се на редакцијата
