• Мартин Танасковски
Екипата на Наполи продолжи да сонува за шампионскиот трофеј во Италија, затоа што славеше дома со 2-1 (2-0) во дерби-дуелотod 30. коло против Милан на крајот на денешната програма во Серија А.
Наполитанците ги искористија шансите кои им се дадоа и дојдоа до три бода со миланскиот ривал, од кој Интер се надеваше од услуга, ама не ја доби. Двата гола Наполи ги даде во првото полувреме.
- Извештај од натпреварот:
Првиот гол беше дело на Матео Политано, кој доби топка од Ди Лоренцо и погоди уште во втората минута, а потоа реализира Ромелу Лукаку во 19. минута. Белгиецот со овој погодок дојде до јубилеј, тоа е 400 гола во фудбалската кариера.
Во вториот дел, течеше 69. минута кога Милан доби пенал, ама Мерет му го одбрани шутот на Хименез. Во 84. минута Лука Јовиќ даде гол за „росонерите“, кој на крајот се покажа како утешен, иако гостите имаа можности за реми.
Наполи е на второто место во Серија А со 64 бода, пред него е Интер со 67. Милан, пак, се наоѓа на деветтото место со 47 бода.
