Судот во Париз денеска ги прогласи за виновни поради проневера на јавни средства лидерката на француската екстремна десница, Марин Ле Пен, и осум пратеници од нејзината партија Национален собир (РН).
Судот изрече казна за Ле Пен забрана за кандидирање за јавна функција во наредните пет години, затворска казна во траење од четири години од кои две се условни и парична во висина од 100.000 евра. Тоа значи дека Ле Пен нема да се најде на гласачкото ливче на следните претседателски избори во Франција, закажани за 2027 година.
Судот процени дека вкупната сторена штета изнесува 2,9 милиони евра бидејќи пратениците на РН во Европскиот парламент вработуваат луѓе кои работат за партијата на Ле Пен.
Прочитај повеќе
Франција одново ја разгорува војната за пензиите поради зголемениот јаз во финансирањето
Задржување на сегашниот праг за пензионирање (63 години) ќе чини плус 13 милијарди евра годишно, а зголемување на 65 години ќе значи дополнителни 17,7 милијарди евра јавни финансии.
20.02.2025
Лидерката на РН е прогласена за виновна за проневера на 474.000 евра поради фиктивно вработување на четворица партиски помошници во Европскиот парламент.
Обвинителството претходно бараше пет години затвор за Ле Пен, од кои две години затвор и три условна казна, кои може да се претворат во општествено корисна работа, како и парична казна од 300.000 евра.
Ле Пен пред судењето изјави дека обвинителите бараат нејзина „политичка смрт“ и оти процесот е завера РН да не дојде на власт.
Другите обвинети изјавија дека парите се легитимно искористени и оти не е точно дефинирано што работи парламентарниот асистент.
Текстот е ажуриран со одредената висина и типот на казната за Ле Пен.
.webp){kind=icon}
