Сезоната на Реал Мадрид влегува во клучна фаза, но веќе се поставуваат прашања за иднината на клубот и неговиот тренер. Статусот на Карло Анчелоти веќе подолго време е тема на разговор, а Бразилската фудбалска конфедерација го посакува за нов селектор. Покрај тоа, искусниот италијански стратег се соочува и со лични проблеми.
Според пишувањата на германски „Билд“, Анчелоти ќе се појави пред судот во Шпанија во среда и четврток под обвинение дека не пријавил приходи од плата и други извори на приходи во 2014 и 2015 година. Станува збор за сума поголема од еден милион евра, а во случај да биде прогласен за виновен, му се заканува затворска казна од четири години и девет месеци.
Италијанскиот тренер останува смирен пред судската постапка…
„Вистина е дека ќе се појавам на суд и ќе го дадам моето објаснување. Тоа е жалбено рочиште на Државното правобранителство затоа што веќе го поминав првото судење. Имам целосна доверба во законот и правосудниот систем, не сум загрижен за тоа. Се разбира, ми пречи што сум обвинет за измама“, изјави Анчелоти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
