Пејачката Гоца Тржан веќе долги години е во хармоничен брак со својот 14 години помлад сопруг, музичарот Радомир Раша Новаковиќ.
Во едно интервју, Гоца искрено проговори за здравствените проблеми со кои се соочувал Раша, откривајќи дека поради сериозни повреди на зглобовите, цели три години не можел да свири.
– Мојот сопруг тогаш имаше тешки повреди на зглобовите и не можеше да свири. Две-три години беше на сериозни лекови, бидејќи секој удар предизвикуваше болка како убод со нож во зглобовите – се присети Гоца на тој тежок период.
По долго барање, парот пронашол соодветна клиника каде што Раша започнал со третмани, а како што вели пејачката, напредокот бил неверојатен.
– Веќе по првата терапија болката значително се намали, а по втората и третата целосно исчезна. Повеќе не му беа потребни завои, ниту дополнителни мерки за ублажување на болката – раскажа таа, споделувајќи го нивното искуство.
Денес, тој предизвик е зад нив, а Раша е неизмерно благодарен што покрај себе има сопруга која му е најголема поддршка во секој аспект од животот.
Инаку, љубовната приказна на Гоца и Раша започнала кога тој се приклучил на нејзиниот бенд како тапанар.
– Дојде како нов член на бендот и тогаш имаше само 23 години. За мене беше клинец – раскажа Гоца, додавајќи:
– На почетокот, барем од моја страна, ова не требаше да биде ниту врска, ниту сериозен брак, туку само една авантура што ќе ми го нахрани егото. Но, судбината имаше други планови…
