Мал авион се урна во американскиот град Филаделфија, паѓајќи врз станбен блок каде објектите се запалиле, јави телевизиската мрежа CBS News.
„Екипите за итни случаи реагираа на експлозија во североисточна Филаделфија откако мал авион се урна во областа на булеварот Рузвелт и авенијата Котман“, се вели во објавата.
Според телевизијата Fox News, во авионот што полетал од локалниот аеродром имало шест лица: двајца пилоти, двајца лекари, еден пациент и негов роднина.
Авионот удрил во станбени згради, што резултирало со други настрадани. Како резултат на тоа, неколку куќи се запалија во областа на авенијата Котман и булеварот Рузвелт. Оштетен е и гасовод што ги засилил пожарите.
Причините за падот на авионот сѐ уште не се соопштени, а не се соопштува ништо за судбината на патниците во авионот или за евентуални жртви на земјата.
Ова е втора голема вонредна состојба во воздухопловството во САД за само неколку дена. Во четвртокот вечерта во близина на меѓународниот аеродром „Реган“ во Вашингтон се судрија цивилен авион и воен хеликоптер. Во авионот имало 60 патници и четворица членови на екипажот, а во хеликоптерот тројца членови на екипажот. Никој не преживеа.
View this post on Instagram
