Во Скопје денеска ќе биде презентиран Годишниот извештај за работата на Комисијата за спречување и заштита од дискриминација (КСЗД) за 2024 година. 

Од КСЗД соопштија дека на презентацијата ќе бидат претставени клучните наоди, активности и препораки од годишниот извештај, како и постигнувањата и предизвиците во спроведувањето на политиките за еднаквост и недискриминација во Република Северна Македонија.

На презентацијата од Комисијата се најавени воведни обраќања од Лимко Бејзароски, претседател на Комисијата за спречување и заштита од дискриминација, Африм Гаши, претседател на Собранието на Република Северна Македонија, Димитар Апасиев, претседател на собраниската Постојана анкетна комисија за заштита на слободите и правата на граѓанинот и Рита Колумбија, постојан координатор на Обединетите Нации во Северна Македонија.

Презентација на наодите од Годишниот извештај на КСЗД ќе ја одржат Игор Јадровски  и Флора Кадриу, членови на Комисијата за спречување и заштита од дискриминација.