Спорт
(Видео) Атлетико се жалеше – УЕФА се огласи со соопштение за спорниот пенал

Ден по натпреварот и контроверзната победа на Реал на пенали над Атлетико, поразениот тим бара објаснување од УЕФА за одлуката на судијата да го поништи голот на Алварез во пенал рулетот.
Навистина тешко е да се утврди дали левата нога на Аргентинецот ја допре топката пред ударот, што, кога се во прашање пеналите, е недозволена акција, таканаречен „двоен контакт“. ВАР го кажа своето – Алварез ја допрел топката, а судијата Симон Марчинијак го поништи неговиот гол.
Победата му припадна на Реал Мадрид, но „горчливиот вкус“ остана кај љубителите на фудбалот и гневот кај навивачите на поразениот тим…
Атлетико не се помири со овој епилог, па цел ден е на „жешка линија“ со УЕФА, барајќи објаснување за спорната ситуација, која беше пресудна за исходот на натпреварот.
„Јорганџиите“ се убедени дека ниту еден агол од сите можни снимки од пеналот на Алварез не покажува дека Аргентинецот ја допирал топката со ногата на која се потпрел пред ударот.
На ниту една снимка не се гледа како топката се движи, што секако ќе се случеше доколку имаше контакт. Токму тоа е деталот што Атлетико го истакна во комуникацијата со УЕФА ден по натпреварот.
Во Атлетико, пишуваат понатаму Шпанците, речиси има гнев бидејќи ден подоцна се уште се убедени дека голот на Алварез е неправедно поништен. И по „малку повеќе од милион“ прегледи на видеото од спорната ситуација, се убедени дека се во право.
„Иако контактот е минимален, играчот имаше контакт со топката користејќи го стопалото пред да шутне кон голот со другата нога, како што се гледа на приложеното видео.
Според правилата (Закони на играта, правило 14.1), ВАР просторијата го повика судијата и му сигнализираше дека голот треба да биде поништен.
УЕФА ќе иницира разговори со ФИФА и ИФАБ за да се разгледа дали ова правило треба да се дополни и измени за да ги покрие случаите кога двојниот контакт со топката е ненамерен“, соопшти УЕФА.
¿Está bien anulado el penalti de Julián Álvarez?
𝗦𝗜.
Existe un toque mínimo y casi imperceptible que, de una forma muy leve, mueve el balón antes del golpeo del argentino.
Intervención dificilísima pero pluscuamperfecta de Tomasz Kwiatkowski desde el VAR. pic.twitter.com/z2OKtPVrry
— Archivo VAR (@ArchivoVAR) March 12, 2025
Aquí una mejor toma del polémico penal de Julián Álvarez.
Toca el balón dos veces??
pic.twitter.com/VAyoETd9lV— Antonio de Valdés (@adevaldes) March 13, 2025
— Out Of Context Football (@nocontextfooty) March 13, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Панчев: Хуманитарен меч Вардар-Црвена звезда на 16. април

Легендата на македонскиот, југословенскиот фудбал и Црвена звезда, Дарко Панчев е скршен од тага по трагедијата во Кочани, во која во пожар во дискотеката „Пулс“ загинаа 59 лица, а преку 150 се повредени.
Европски и светски шампион со Црвена звезда, Панчев во разговор за „Спортклуб“, откри дека разговарал со генералниот директор на најтрофејниот српски клуб, Звездан Терзиќ, црвено-белите да му гостуваат на Вардар во Скопје. Идеката на Панчев е да се одигра хуманитарен натпревар.
„Останува само да се одреди датум, Црвена звезда за се ќе се договори со Вардар, директорот Терзиќ го спомна 16 април, благодарам, што друго да кажам. Во име на Кочани, Скопје и цела Македонија, Ви благодариме за грижата, за тоа што се прави за повредените, за нивниот транспорт и за лекувањето во Србија, благодареност до братскиот народ“, рече Панчев.
Спорт
Аргентина без Меси против Уругвај и Бразил

Капитенот на Аргентина, Лионел Меси нема да настапи на претстојните натпревари против Уругвај и Бразил.
Откако синоќа блескаше во победата над Атланта во МЛС лигата, Меси заработи повреда на мускулот, а по тестовите беше одлучено дека во овој прозорец нема да настапува за репрезентацијата.
Аргентина веќе обезбеди пласман на Мундијалот, прва е во јужноамериканскиот поредок со 25 бода, пет повеќе од Уругвај, па Лионел Скалони не сакаше ништо да ризикува.
Иако најави пензионирање, Меси сепак ужива во дресот на „гаучосите“, па останува да се види дали ќе игра и на СП 2026 година, кое сега не е така далеку, за нешто повеќе од една година.
Спорт
Стефан Ристовски ќе го напушти Динамо Загреб

Поранешниот капитен на фудбалската репрезентација на Македонија, Стефан Ристовски, веројатно ќе го напушти Динамо Загреб по завршувањето на сезоната. Ристовски, еден од капитените на најтрофејниот хрватски клуб со доаѓањето на тренерот Фабио Канаваро остана без местото во стартната посатав.
Договорот на Ристовски истекува на 30 јуни 2025 година, а потоа ќе стане слободен играч доколку, се разбира, во меѓувреме не потпише нов договор со актуелниот хрватски шампион. Платата на Ристовски според сегашниот договор е околу 700.000 евра годишно.
„Индекс“ пишува дека на подготовките му бил понуден нов договор, но со значително намалување. Новиот договор би бил за најмалку една третина помал од стариот, што значи дека Ристовски би можел да заработува околу 450 илјади евра годишно.
Во овој момент одлуката на Ристовски не е потврдена, но тој најверојатно нема да потпише нов договор. Проблемот не е во парите, туку во тоа што не е задоволен од статусот што би можел да го има следната сезона на „Максимир“.
Тој има 33 години и се уште може да најде сериозна минутажа во европскиот фудбал, а источните лиги и земјите кои нудат профитабилни договори се секогаш опција за играчите кои се пред крајот на кариерата.
Ристовски одигра 177 натпревари за Динамо и одигра важна улога во освојувањето на многу трофеи, но се чини дека и клубот и тој се повеќе се свесни дека влегуваат во нова ера.