• Иван Димовски
Ракометарите на Фуксе Берлин одиграа реми против Киелце (37-37) за заверка на четвртфиналната виза во Лигата на шампионите.
Победата од шест разлика на Германците во Полска беше сепак превисока за Киелце да ја анулира. Одиграа Полјаците одличен меч во германската престолнина, ама недоволно за да направат голем подвиг.
Киелце отвори подобро и поведе со 1-3, по што следуваше враќање на Фуксе до егал. Се играше гол за гол во продолжението, а првиот дел понуди повеќе пресврти. Во исклучително ефикасно полувреме со дури 45 гола Киелце ја преполови негативата (21-24).
Сепак, Германците успеаја да се консолидираат во продолжението недозволувајќи ривалот да се приближи кон потребната маргина. Стигнаа во неколку наврати играчите на Фуксе до егал, а Киелце и до 31-35. На тоа одговорот на домашните беа три гола во низа за „минус еден“ и крај на надежите за гостинскиот тим.
Во голема драма Киелце испушти 34-36 и и на крајот мораше да спасува реми против германскиот ривал за простување од елитата.