Челниците на европската крајна десница и суверенистите, од унгарскиот премиер Виктор Орбан до холандскиот Геерт Вилдерс, во понеделникот ја изразија својата поддршка за француската истомисленичка Марин Ле Пен, изразувајќи шокираност и гнев откако францускиот суд донесе пресуда со којашто ќе ја оневозможи да извршува јавни должности всушност ќе ја спречи да учествува во претседателските избори во 2027 година иако таа и нејзината партија водат во сегашните анкети.
Марин Ле Пен беше прогласена за виновна за злоупотреба на пари од Европската унија и казнета со петгодишна забрана за вршење јавни должности поради што нема да може да учествува по четврти пат во претседателската трка, освен тоа доколку претходно не вложи жалба на пресудата, што според вообичаените процедури во француското правосудство би траело и со години. Судиите на Ле Пен ѝ изрекоа и казна од четири години затвор, со две години условно и парична глоба од 100.000 евра.
Политичките коментатори сметаат дека е речиси сигурно дека Ле Пен ќе се жали на пресудата и ниедна од изречените казни нема да може да се спроведе додека жалбите не бидат решени. Сепак, петгодишната казна за вршење јавни должности стапи на сила веднаш бидејќи обвинителството ја бараше таканаречената мерка„ на „привремено извршување“ и ќе биде укината само доколку пред изборите биде усвоена нејзината жалба.
„ Je suis Marine!“ (Јас сум Марин)“, објави унгарскиот суверенистички премиер Виктор Орбан на платформата Х, алудирајќи на паролата „Je suis Charlie“ којашто ја лансираа етаблираните и левичарски европски политики како поддршка за нискотиражниот екстремно левичарски сатиричен магазин Charlie Hebdo кој предизвика внимание со навредливата карикатура на Мохамед поради што ги предизвика гневот на муслиманите во светот а вооружени исламисти извршија масакр во реакцијата во 2015 година.
Жордан Бардела, челникот партијата Национален собир (RN), чија основачка и неформална лидерка е Ле Пен и која по преименувањето од Национален фронт (FN) се оддалечува од своите екстремни ставови, објави на Х дека таа е жртва на „неправедната пресуда“ обвинувајќи дека „француската демократија е погубена“.
Челникот на холандската крајна десница Геерт Вилдерс, исто така, изрази шокираност поради пресудата.
„Шокиран сум од неверојатно тешката пресуда против Ле Пен. Ја поддржувам и верувам дека ќе ја добие жалбата и ќе стане претседателка на Франција“, објави Вилдерс на платформата Х.
Лидерот на крајни десната шпанска партија Vox, Сантијаго Анаскал, исто така ја изрази својата поддршка„ Никогаш нема да успеат да го задушат гласот на францускиот народ“, напиша на Х.
Италијанскиот заменик-премер Матео Салвини, лидер на партијата Лига, ја нарече одлуката на судот „Брислеско објавување војна“. „Тоа е лошиот филм што го гледаме и во другите држави како Романија. Нема да не заплашат“, објави Салвини.
Тој алудираше на одлуката на романските високи судови и тамошната изнборна комисија да ги поништи резултатите и целите лански претседателски избори кога во првиот круг изненадувачки победи кандидатот на крајната десница Калин Џорџески и да ги презакаже за оваа пролет. Меѓутоа, откако анкетите упорно покажуваа дека Џорџески добил уште поголема поддршка која надминува и 50 отсто, беше одбиена неговата кандидатира за повторените избори во мај.
