Фјури одби да го погледне Усик во очи на соочувањето пред блокбастер борбата во Ријад (Видео)

Тајсон Фјури и Александер Усик вчера беа дел од последното соочување и промоција на долго очекуваната борба која е закажана за утре во Ријад.

Боксерите влегуваат во рингот со амбиција да ги обединат сите појаси во тешка категорија, а еднаш одложениот дуел поради тренинг повреда на Фјури, сега и дефинитивно ќе се одржи во главниот град на Саудиска Арабија.

По инцидентот на претходниот промотивен настан, Фјури ги изненади фановите со својот потег на вчерашното соочување, избегнувајќи соочување очи во очи со Украинецот.

– Тој има застрашувачки поглед, дојдов да се опуштам и да се фокусирам.

– Ќе се молам за него пред борбата, за двајцата да го напуштиме рингот безбедно, – рекол Фјури кој бил повеќе расположен за забава отколку за провоцирање на противникот.