Според новинарот на Sky Sports, Флоријан Платенберг, Баерн Минхен планира да го продолжи договорот со крилниот напаѓач Лерој Сане. Клубот е задоволен од настапот на 29-годишниот фудбалер и е подготвен да му понуди нов тригодишен договор доколку Сане се согласи да ја намали платата.
Самиот играч навистина сака да остане во тимот, па е подготвен да го прифати овој услов. Во исто време Арсенал покажува интерес за крилниот напаѓач, а „топчиите“ беа во контакт со агентите на играчот во последните денови.
Сане игра во Баерн Минхен од 2020 година. Сезонава има 11 голови и 5 асистенции на 37 натпревари за Баварците во сите натпреварувања.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
