На Америка ѝ се потребни повеќе правила за заштита на работниците, велат луѓе од двете американски партии. Републиканскиот сенатор Џош Хејли сака повеќе правила за зајакнување на синдикатите. Поранешниот секретар за труд на Барак Обама вели дека „нема правичност ни грижа за безбедноста, дури ни грижа за децата!“.
Тие велат „Европа е подобра“, има повеќе закони за заштита на работниците.
- Тоа е глупост, вели економистот Свен Ларсон.
Тој израснал во Шведска, но сега вели: „Ако си работник, не би сакал да живееш во Шведска!“. Една од причините е што невработеноста е 10%.
- Ако те отпуштат, нема работа за тебе, вели Ларсон.
Пред неколку години, економијата на Америка растеше во чекор со Европската Унија. Пред околу 15 години, Европа застана.
Денес САД се 50% побогати - иако ЕУ има 100 милиони повеќе жители. Европа е како голем музеј. Го одржуваат парите од туристите, но растот е толку мал што и најсиромашната држава во Америка (Мисисипи) сега е побогата од повеќето европски земји. Неуките Американци сакаат да ги копираат политиките што се причина за заостанувањето, како воведување повисоки даноци за богатите.
- А што правите кога ќе останете без богати? Ќе ги оданочувате речиси богатите? Тогаш ќе останете и без нив, вели Ларсон.
Но, некои Американци денес се апсурдно богати.
- Дури и ако го соберете целото нивно богатство, тоа не е ни приближно доволно за да се платат обврските на федералната влада.
Значи, данокот се зема од просечниот работник.
- Во Шведска просечен работник плаќа поголем данок од оние што заработуваат 400.000 долари овде во САД.
Но, барем нивното здравје е бесплатно.
- Не! Вие добивате право на бесплатна здравствена заштита, но дали добивате здравствена заштита е друга приказна. Имав пријатели што починаа во шведскиот здравствен систем зашто не можеа да се лекуваат навреме.
Сепак, Европа нуди дарежливи бенефиции за социјална помош. Тие се грижат за луѓето...
- Тоа исто така те заробува. Луѓето заглавуваат на ниски работни позиции. Не почнуваат бизниси. Европските мерки за „заштита“ на работниците го отежнуваат отпуштањето на мрзливите. Мора да поминете низ екстремна бирократија. Владата ќе одлучи дали сте во право ако кажете дека некој не ја врши својата работа. Зошто би вработиле некого за да бидете одговорни за него до крајот на вашиот живот?! Јас не би. Тоа е голема причина зошто стапката на невработеност во Европа е за 50% повисока отколку во САД.
Често се жалиме на престрогите мерки на Америка. Но, Европа има многу повеќе.
- Во Америка можете да ставите налепница „Боб столарот“ на пикап и веќе имате мал бизнис. Можете да заработувате пари. Во Европа имате давачки, разговори со бирократи.
Законите на ЕУ ги штитат и синдикатите.
- Во Шведска синдикатите може да дејствуваат како мафија, да ги принудат комуналните претпријатија да исклучат струја, да не собираат ѓубре, да ги спречат банките да ги обработуваат вашите чекови.
Таа моќ на синдикатот, претераната регулатива и високите даноци се причината зошто сега нема ниту една европска компанија меѓу најголемите во светот. Американските водат на листата.
„Дали европските влади не го виделе ова? Зошто не ги сменат правилата?“
- Не. Добивате многу гласови од луѓе што зависат од владата. Америка сè уште го има духот дека можете самите да си го подобрите животот. Тоа не го гледам во Европа“.
Го имаме тој дух сега. Оспорен е од 300.000 бирократи што пишуваат и спроведуваат правила. И тоа се само федерални регулатори. Сојузните држави и градовите имаат уште повеќе! Тоа се многу луѓе што веруваат дека ако не додаваат повеќе правила, не ја вршат својата работа.
Запрете ги пред да ја направат Америка стагнантна како Европа, пренесува Њујорк Пост.
