Инспекциски надзор во Центарот за социјална работа во Македонски Брод ќе спроведе Министерството за социјална политика, за да се утврди дали има пропусти во постапката за 8-годишното девојче кое беше сексуално злоставувано од 64-годишен жител на овој град.
Од Министерството известуваат дека во петокот веднаш откако добиле известување од полицијата за случајот, Центрите од Скопје, Кичево и Македонски Брод излегле на увид кај семејство каде било згрижено малолетното девојче, по што интервентен стручен тим го презеде во добра здравствена состојба и веднаш е сместено во соодветна установа.
Во петокот битолската полиција соопшти дека 64-годишен жител на Македонски Брод е осомничен дека извршил кривично дело силување на дете кое не наполнило 15 години и одреден му е притвор. Тој двапати во неполн месец го злоупотребил девојчето. Еднаш на 7 март, а потоа и на 3 април, откако Центарот за социјална работа во Македонски Брод првиот пат не постапил по пријава на очевидец на настанот.
Битолската полиција и ОЈО работата на целосно расветлување на случајот.