Белата куќа ја нарече веста „ѓубре“, а портпаролката на Трамп, Каролин ЛаВит, на социјалните мрежи рече дека Маск „ќе си замине кога ќе ја заврши својата работа“, иако таа не даде временска рамка, објави Анадолија.
This “scoop” is garbage.
— Karoline Leavitt (@PressSec) April 2, 2025
Elon Musk and President Trump have both *publicly* stated that Elon will depart from public service as a special government employee when his incredible work at DOGE is complete. https://t.co/Brppff6SKi
Времетраењето на улогата на Маск во Одделот за владина ефикасност (DOGE), каде што тој ги надгледува големите намалувања на американската влада, никогаш не беше јасно дефинирано.
Маск има статус на „специјален вработен во владата“, што му ја ограничува службата на 130 дена годишно. Во неодамнешното интервју за Фокс њуз, Маск рече дека верува оти DOGE „ќе го направи најголемиот дел од потребната работа“ во таа временска рамка.
Извештајот на Политико доаѓа откако Маск доживеа голем политички неуспех на изборите во Висконсин, каде што потроши 20 милиони долари за поддршка на конзервативен судија кој ја загуби трката за место во Врховниот суд на државата.
© Vecer.mk, правата за текстот се на редакцијата
