• Иван Димовски

Јаник Синер во првото коло на Австралија Опен беше сигурен против Николас Јари и со 3-0 се пласира во втората рунда на турнирот во Мелбурн.
Ова беше 15. последователна победа на Италијанецот на тврда подлога на Грен слем турнирите. Со тоа тој влезе во одбрано друштво, бидејќи тоа досега им успеало само на Новак Ѓоковиќ, Андре Агаси и Роџер Федерер. Сепак, Синер на прес-конференцијата беше скромен на оваа тема.
„Не можам ниту да се споредам со тие луѓе. Тие направија многу работи. Одлично е да бидеш споменат заедно со нив, иако не сум за споредба со нив. Се обидувам да испишам своја мала приказна. Сакам да играм на тврда подлога, ми се допаѓаат условите. Среќен сум што играм вака и ќе се трудам да потрае тоа“, изјави Синер.
Во втората рунда Синер оди на мегдан со австралискиот тенисер Скулкејт.