На денешното рочиште за убиството на 14-годишната Вања Ѓорчевска од Скопје и 74-годишниот Панче Жежовски, обвинетиот Влатко Кешишев сведочеше дека не знаел кој бил инцијаторот за грабнувањето на Ѓорчевска и Жежовски, а разговорите за тоа, според него, ги воделе првообвинетиот Љупчо Палевски Палчо и обвинетиот Велибор Манев.
Според него Палевски бил организаторот.
Рече дека во киднапирањето на Жежовски и Ѓорчевска учестувал и обвинетиот Боре Видевски, кој негира било каква поврзаност со киднапирањата и убиствата на Жежовски и Ѓорчевска, заедно со Палевски и Манев.
ПОВРЗАНИ ВЕСТИ
Видевски тврди дека не учествувал во киднапирањата и убиствата на Вања и Панче
Посочи дека планот бил Жежовски да се киднапира поради возилото, а додека тој бил киднапиран чекал во возилото „рено„.
Не го видел Жежовски, бидејќи му рекле дека го ставиле во ќебе, во гепек.
Дознал дека Жежовски е убиен кога се вратиле во штабот на партијата „Десна“.
При киднапирањето на Ѓорчевска тој го отворил гепекетот од колата, а од влезот на зградата излегле Видевски и Манев, кој носел врзана вреќа, по што Ѓорчевска била однесена во Бразда, каде е убиена и закопана.
За време на нејзиното убиство тој „чувал стража“ на 20-30 метри од местото. По некое време видел дека останатите копаат дупка, по што го видел Палевски со пиштол во рака, и слушнал тап истрел.
Учестувал во закопувањето на нејзиното тело, а Палевски според него, ги избришал двете лопати и копачот со средство ВД40.
И за убиство на Ѓорчевска како што кажа дознал кога стигнале во штабот на партијата, откако видел дека девојче се бара на Фејсбук.
За пиштолот со кој е убиена „слушнал“ дека е на Видевски.
Овој пиштол не е пронајден.
Кешишев рече и дека правел се што ќе му нареди Палевски, а во телефонот го имал запишано како „царот„.
ПОВРЗАНИ ВЕСТИ
Кешишев сведочеше дека со Манев ја копал дупката кај Велес, мислел дека бараат злато
Не е најден пиштолот на обвинетиот Боре Видевски