Седумкратниот европски првак Милан е заинтересиран за ангажирање на шпанскиот тренер Хосеп Гвардиола.
Според италијанските медиуми, фаворит за преземање на функцијата за следната сезона е Роберто де Ѕерби, но Росонерите имаат еден друг сон, да го доведат Гвардиола, кој е еден од најдобрите и најтрофејни тренери на светот.
На Гвардиола сезонава не му цутат розите во Манчестер сити, а наводно и тој би сакал да работи во Италија, која ја сака уште од своите играчки денови. Договорот со Сити му е до 2027 година, но ако Сити биде казнет за прекршувањата на финансискиот ферплеј, за кој трае судска постапка, и евентуално биде преселен во ранг подолу, Гвардиола во таков случај веројатно ќе си замине и тоа е шансата која ја чекаат во Милано.
