Советот на Општина Кочани денеска ќе избира в.д. градоначалник, откако досегашниот, Љупчо Папазов, поднесе оставка и беше приведен поради вмешаност во трагедијата што го потресе Кочани и цела Македонија.
Општината има заменик градоначалник во името на Мирче Стојков, но е спорна валидноста на неговиот потпис. Со тоа е закочена работата на целата администрација.
Согласно законот, по оставката на Папазов на 18 март, Стојков како заменик градоначалник во рок од 15 дена го известил министерството за локална самоуправа, по што беше инцирана постапката за избор на в.д. градоначалник.
Владата на 1. април го задолжи општинскиот Совет во рок од 30 дена да направи избор на в.д. градончланик на Кочани, кој на оваа функција треба да остане до редовни избори на есен.
